Investirá uns 67.000 euros nas intervencións, procedentes de fondos municipais
O Concello de Neda adxudicaba nas últimas xornadas novas actuacións de mellora de camiños municipais nas parroquias de Anca e Viladonelle. Uns traballos que se realizarán con fondos propios, e que suporán un investimento duns 67.000 euros. Os traballos previstos permitirán erradicar o estado de deterioro do camiño do Vilar-Sandes, do camiño en Vila de Anca e do camiño de Porta da Pena -este último en Viladonelle-, actualmente pavimentados por medio de regos asfálticos.
Así, as intervencións, que se prevé comecen nos próximos días, contemplan a limpeza de cunetas, rebacheo das zonas máis deterioradas, e aglomerado dos viais.
O prazo de execución estimado é de dous meses.
